منتدى مجموعة مدارس أنفا (محمد بنيس)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى مجموعة مدارس أنفا (محمد بنيس)

منتدى للتواصل التربوي الهادف
 
الرئيسيةالبوابةأحدث الصورالتسجيلدخول

 

 قانون حمورابي

اذهب الى الأسفل 
كاتب الموضوعرسالة
lamia marbouh




عدد المساهمات : 5
تاريخ التسجيل : 15/10/2011
العمر : 24

قانون حمورابي Empty
مُساهمةموضوع: قانون حمورابي   قانون حمورابي Emptyالأحد أكتوبر 16, 2011 8:14 am




الحته الفوقانيه من لوحة القوانين بتاعة حمورابى
قوانين حمورابى أو شريعة حمورابى, هى اول قانون مسجل فى التاريخ. القوانين دى اتعملت فى سنة 1790 ق.م فى ميسوپوتاميا (منطقة بين النهرين) و بالتحديد فى بابل. القوانين دى متقسمة على 282 مادة قانونية بتعالج كل مشاكل الحياة و بتعاقب الغلطان و بتعوض المتضرر و بتحدد واجبات الافراد و حقوقهم فى المجتمع اللى عايشين فيه, حسب شغلة و مسؤلية و الطبقه الاجتماعيه بتاعة كل واحد فيهم. القوانين دى كانت بتتعلق فى مكان عام فى كل حته تقريبا عشان كل الناس يشوفوها و يعرفوا القوانين اللى بتتطبق و يعرفوا اللى ليهم و اللى عليهم. القوانين دى بتعتبر انها حطت مبدأ و فلسفة "العين بالعين و السن بالسن". النسخه الوحيده الكامله من القوانين دى وصلتلنا على مسلة من حجر الديوريت الاسود بطول 2.25 متر و موجودة لحد النهاردة فى متحف اللوفر فى باريس. قوانين حمورابى بتعتبر اول قانون مسجل فى التاريخ و أول محاوله فى التاريخ المسجل لتنظيم و وضع قواعد محدده بتناقش كل مشكله او وضع ممكن يحصل ما بين الناس, فيه ناس دلوقتى ممكن تعتبر القوانين دى على ان عقوباتها تقيلة أو متوحشه و همجيه, بس فى الحقيقة القوانين دى كانت زقه كبيره وقتها للتقدم و خطوه فى طريق عمل قوانين محدده و ثابته عشان حل خلافات الناس بشكل متحضر.

[تعديل]اكتشاف القوانين



أول نسخة من القوانين دى اكتشفها عالم المصرولوجيا جوستاڤ جيكويه - Gustav Jéquier - فى خوزستان فى ايران سنة 1901. و كان واحد من ملوك ايمليتس هجم على بابل و اخد القوانين دى على بلدهم. النسخة المتلاقة موجودة لحد دلوقتى فى متحف اللوفر فى باريس, فرنسا.

[تعديل]القوانين

دى امثله للقوانين اللى فى قوانين حمورابى:

اذا واحد بنى بيت لواحد تانى, و كان مهمل و مبنهوش كويس, و البيت وقع و موت صاحب البيت يبقى اللى بنى البيت يتعدم, و لو ابن صاحب البيت مات لما البيت وقع يبقى ابن اللى بناه البيت يموت.
لو القاضى بيحكم فى قضية واخد قرار و نطق حكم معين, و اكتشف بعد كدا ان حكمه غلط او مش عادل او انه متورط فى حاجه, حيدفع او حينفذ العقوبة اللى حكم بيها 12 اضعاف الحكم اللى نطق بيه و حيتشال من منصبه.
لو راجل ضرب واحدة ست حامل و بسبب ضربه ليها مات الجنين فى بطنها, بنت الراجل اللى ضرب تموت كتخليص لتار الست
لو واحد فقع عين واحد, من حق الواحد المتضرر انه يفقع عين اللى ضربه
لو واحد كسر سنان واحد, من حق المتضرر انه يكسر سنانه زى ما عمل معاه.
لو رجل حر (مش عبد) ضرب واحد حر زيه أو فى نفس مرتبته الاجتماعية حيعوضه بمبلغ متحدد.
الرجوع الى أعلى الصفحة اذهب الى الأسفل
 
قانون حمورابي
الرجوع الى أعلى الصفحة 
صفحة 1 من اصل 1
 مواضيع مماثلة
-
» حمورابي

صلاحيات هذا المنتدى:لاتستطيع الرد على المواضيع في هذا المنتدى
منتدى مجموعة مدارس أنفا (محمد بنيس) :: مادة الإجتماعيات :: مادة التاريخ :: السنة الأولى ثانوي إعدادي :: الدروس و الملخصات-
انتقل الى: